Bygda er eit velutvikla handelssenter med mange spesialbutikkar, fleire samla i store butikksenter. Desse er, saman med andre næringsdrivande, organiserte i eit aktivt næringslag, som m.a. står bak Øystese-marknaden - eit stort arrangement som annankvart år trekkjer til seg tusenvis både av lokalfolk og tilreisande.

Etter å ha vorte påverka av treskjeraren Lars Kinsarvik, starta mange frå Øystese møbel-verkstader rundt slutten av 1800-talet. Desse er no vekke, men i god møbeltradisjon har Øystese i dag med sine møbelfabrikkar, plassert seg mellom dei største møbel-produsentane i landet, særleg innan produksjon av salongbord.